Elon Musk Starship haqqında yeni məlumatlar verib - VİDEO

Dominant.az xəbər verir ki, sistemin həm Super Heavy həm də kosmik gəmi hissəsi dəfələrlə istifadə üçün nəzərdə tutulub. Bu isə öz növbəsində reallaşdırılacaq uçuşların qiymətlərini aşağı salmağa imkan verəcək. Əgər hər şey yolunda getsə, bir Starship hər 6-8 saat ərzində kosmik uçuş reallaşdıra biləcək. Bu isə sutka ərzində 3 uçuşun reallaşdırılması deməkdir. Starship barəsində yeni məlumatlar verilən zaman həmçinin onun uçuş prosesi ilə bağlı detalları özündə əks etdirən yeni animasiya videosu da təqdim edilib. Musk bildirib ki, 2-3 ildən sonra hər kosmik uçuş missiyasının dəyəri 10 milyon dollardan aşağı ola bilər. Söhbət, 100 ton faydalı yükün Yer kürəsinin orbitinə çatdırılmasından gedir.

Bundan əlavə olaraq qeyd edilib ki, Starship və Super Heavy yeni nəsi Raptor mühərrikləri vasitəsilə çalışırlar. Nəticədə Super Heavy 33 ədəd, Starship isə 9 ədəd yeni nəsil Raptor mühərriki ilə təchiz olunacaq. SpaceX sözügedən mühərriklərin maya dəyərlərini aşağı sala bilib. Onların konstruksiyalarında əvvəl mövcud olmuş detalların sayını azaltmaqla şirkət hər həftə 5-6 mühərrik istehsal edə bilir. Starship-in ilk orbital test uçuşunun reallaşdırlması üçün ABŞ-ın müvafiq nizamlayıcı orqanları tərəfindən razılıq əldə edilməlidir. Starship-in mart və ya aprel ayında orbital uçuşu reallaşdıracağı güman edilir.